زمان

لما كنا صغيرين

كنا بنحب الحياه

كنا بنشوفها جميله و فاتحه أحضانها لنا

كنا من خمسين سنه
أسره دافيه و عيله واحده و حاره واحده و قريه واحده
و الطبق بيلف فاضى و يتملى
و البيوت ببابين و أكتر
نختصر بيها الشوارع
لما كان البرد يلسعنا قوى
هب ع القلاويح نجيبها و نعمل النار اللى هيه
و كل واحد ييجى لابس بطانيه
و حلة المحشى على نار الكانون
تعمل الشغل اللى هوه
فى الغدا أطلع و ادعبس
جوه بلاصى على الجبنه القديمه
و اجرى على فحل البصل
يا سلام
و الله سلطان الزمان
اللى شاف الناس زمان
و اللى عاش أيام زمان