أمى

أمى اللى كانت روح حياتى و ضلها
حضن الحنان اللى يساع كل المجره
ف ضمته
بسمتها نور الكون و رنة ضحكته
دمعتها تعصف بالوجود و تفتته
راحت ما رجعت من سنه
و فضلت أستنى اللقا
هى هناك و احنا هنا
و السكه بينا الشوق فرشها و الحنين
و على الطريق
دمع و أنين
و يفط كئيبه و محزنه
كل اما حد يموت قريب
أبعت معاه ليها السلام
يبلغه
يمكن يكون الدور عليا و اكلمك
يمكن يكون
شوقى افترى لحد الجنون
و المشكله
إن المواصلات كلها زحمه
و كمان مستعجله‎