أيوه هوقف

أيوه هوقف عندى عبارتك
مش هابعتها و انا حذرتك
طب كررها و أحلى بلوك
فيسك ولا دا فيس البوك
عالم هايفه و ساقعه و بارده
و الله طهقت رسايل وارده
أفتح الاقى حد بهدد
و بيوعدنى بشىء و يحدد
لو كام مره بعت رسالتى
هتشوف خير و هتدعى لخالتى
و ان ما بعتش ويلك و يلك
ألف مصيبه هتجرى ف ديلك
و هتتشل تقع من طولك
هتفلس و لا حد يعولك
أما ان كنت مطيع و مهاود
هيغرقك الخير الزايد
و اسمع منى و غيرك شاهد
و اياك تهملها و تعاند
فضوها سيره و عودوا لدينكم
فينه العقل و فين تفكيركم ؟
أعداء دينك بشتغلوك
و يضيعوا عمر اللى جابوك
أقرب سله لأى رساله
زى دى تبقى قرف و زباله
و اسمع منى ده حكم الدين
مش تأليف و لا شعر رصين