أيوه باحبك

أيوه باحبك حب بجد
جب حقيقى مالهوش حد
مهما ظلمتى مهما حرمتى
مؤمن بيكى و لا بارتد
حب بيملا كل كيانى
ما منعهوشى سور و لا سد
أنت الدفا و النور و الفرحه
و انت الشقا و الجور و البرد
عدله و مايله شاكره و جاحده
بعشق بلدى بكل الوجد
أمى و ولدى و اختى و اخوىا
هى الأب و هى الجد
هى الروح و العين و القلب
وقت الهزل و وقت الجد
كل خليه بتنطق باسمك
نبض القلب عليها يرد
لو سجنتنى حتى نفتنى
حب بلادى يزيده البعد
حبها موج من غير الجزر
بحر محيط مالهوش غير مد
مصر حبيبتى و حب حياتى
مالها ف قلبى نظير و لا ند