صوره

جيل بعد جيل و بلدنا محنِيَّه
حتى جزوع النخل مكسوره
و البسمه فيها بتيجى بمحايله
علشان نزيّف ع الحيطان صوره
و النسمه حتى النسمه مخنوقه
و الدمعه تحت الجفن محشوره
أطفالنا شابت و الأمل ساكت
ممنوع يغنى غنوه منصوره
كتبوا على الجدران بحبر اسود
اللام ألف فى كلامنا محظوره
حاضر نعم من صغرنا نروى
بزرة مهانه فينا مبزوره
لما الفروع لفت على عْدانْنّا
حتى عيون الخلق مسحوره
بتشوف حسب ما الضلمه تؤمرها
و تخاف تشوف الشمس لو صوره