مستنى إيه ؟

مستنى إيه و البيت خرُب
و التل حتى خدوه و راح
مستنى ترجع بسمتك
بالدمع و لا بالنواح
إسبق يا ثاير خطوتك
و اجرى على الأرض البراح
و اخطف من النجم الشعاع
و استعجل الفجر اللى لاح
هى الحياه إيه غير نفس
إما مريح أو مستراح
باطل و صابر ع الألم
عزمه حديد رغم الجراح
و انت الأحق انت القوى
بالله و حى على الفلاح
شد الحزام و ارخى اللجام
الخيل ركب شيل السلاح
خد من عيونهم ضيها
و اثأر لعرض المستباح
اغسل بدم الظلم سيفك
شق سكه للصباح