لسه إيه يا ابن القديمه
لسه إيه يا ابن القديمه
طفحوك الدم و انت........... غنى " تسلم ...........
كل شىء له سعر غالى ..........إلا إنت
كل ده و العند عامى عنيك يا صاحبى
لسه فاكر إن سونيا ثوره لسه
و لا عامل ناسى و لا تكون بتنسى
لسه بتصدق كلامهم
عن عيونه و نورها عن أم العواجز
اللى دايره فى الشحاته زى عاجز
أم دنيا قد دنيا حاجه تانيه
مش نيو لوك لأ دى نيله
جره خيبتها التقيله
رابطه راسها تشحت الهدمه اللى تستر
عورة العار و الفضيحه
دايره تشحت لقمه من أوطى الخلايق
و اللى كانوا بياكلوا من خيرها زمان
فى التكيه
بعد ما كانت بتكسى العارى و المحروم بتطعم
النهارده العرص خلاها " وليه "
ببعتولها فى الشتا كام بطانيه
و كل موسم جلابيه
أو حبة ياميش
أصل سيسى العرص أعلنها " ميقدرشى .. مفيش "
و لا يقدر
هوه لو راجل صحيح
كان قدر
لكن هنعمل إيه
قدر
انكتب للأم ياكلوها و لادها
يبيعوا عرضها ف سوق النخاسه
أجبروها ع الدعاره
و النجاسه
و اللى مد الإيد عشان يسترها مات
مات بطلقة غدر أو طعنة سكات
مات و خلف بعده تقريبا بنات
قالوا سلميه و سلامه ف خير و طنش
مش هطنش
مش هطاطى
صوتى راح يعلا و إيدى تطول رقابهم
مش هسلم أم الدنيا للعرص و كلابهم
هانتقم للحره من كل الديابه
هاطحن الخوف بالعزيمه
عمرى ما هاقبل هزيمه
إما نصر و إما جنه
مش هاعيش الذل تانى
التعليقات على الموضوع