أبو 90 و ابو 50

ليه أبو 50 يكره تسعين
مع إن ابو 90 بيحبه
علشان 50 كان واد فرفور
و بليد و الأستاذ بيلبه
و التانى ممتاز عامل إنجاز
و العتبه جزاز عابد ربه
محبوب حبوب ماياخدش حبوب
حى و طيوب و سليم قلبه
و التانى خبيث رضعه إبليس
تيتى و رمسيس وقفم جنبه
أولاد باشاوات بيقولوا ذوات
أربع يا بنات بينهم زنيه
شنبه المبروم فوق تل هدوم
و فلوس بالكوم رافعين شنبه
ع الفاضى منفوخ مخلوع مملوخ
لو لف يدوخ مجهول نسبه
القاضى فلان ابن ابو ترتان
و الظابط كان خاله و حسبه
كان لما زمان تدلقه جوليلن
يجرى الولهان يشكى لكلبه
يصرخ ماممّا بلغى بابّبا
و كمان عمذاه يحقق طلبه
عايش فى قصور داير ما يدور
خدام طراطير تجلى ف جربه
و ابو 90 فين مااحناش ناسيين
كلكو عارفين أصله و أدبه
إبنى و إبنك بنتى و بنتك
جارى و جارتك شافوا و حبه
خدم الغلبان رحم المسكين
مخلص للدين و أبوه وهبه
ازاى الطين هيشف للنور
لو كان بللور و لا كان حجبه
إزاى شيطان يدى لإنسان
فرصه انه يعيش و ينول أربه
آدى التفسير من غير تنظير
أو هبد كتير طب مين عجبه؟