للى زعلان من أخوكم إنه معدوم التفاعل
خطى واقف زى حالى (و من الود التغافل
و الحساب بينقوا فيه شله رزله م الرزايل
لو فتحت الفيس تفلسع منى أيقونة الرسايل
و ان طلبت الرد تحلف و الله تسكت ما انت قايل
كله كوم و الهم كله و اللبلاوى و التقايل
قاعده ليا فى كمبيوترى لابده دايما فى الموبايل
و ان سرقته تابلت ابنى أصله عملاق كفه طايل
يجرى يخطف قلبى صوته وتبتدى أم الهوايل
معركه محسومه دايما للشباب مش للهزايل
آه يا مرى جننونى دول على قلبى العسايل
مهما قالوا مهما سكتوا مهما شفنا النهر سايل
بالمحبه و التفاهم و التلاقى و التواصل
روحنا فيهم و امتدادنا رغم أن الكل زايل
x
التعليقات على الموضوع