أنا أيوه باتصاب بالخرس
لو مات لى واحد م العسس
ما اعرفش مين كان موته
و لا فين و لا ازاى اتقنص
تفرق كتير ازاي باموت
و ليه و مين رن الجرس
و إيه ساعتها نيتى
و عقيدتى و كمان الفرص
علشان اقول علان شهيد
مش شغلتى و لا اجيب قرص
أزعل أكيد مش روح يا ناس
لكن كمان انا باتفرس
ليه يفطرونا ع الدماء
و يعيدونا ع الجثث
ليه ف كل صوم أو عيد اقوم
على صوت يتامى بتتهرس
أو أرمله من غير سبب
عدمت سندها بتتوكس
و أخ محرو م من أخوه
و أب محروم م الونس
و أم ضاق الكون بها
لما الضنى غاب و اتحبس
عنها ف تابوت ما لمسته
و لا ودعت آخر نفس
جالها ف تابوت مقفول عليه
ختم القبول و انه فطس
التعليقات على الموضوع