كورونا

كورونا يا حبيبتى

لحنك مفيهوش نشاز

جيتى ف وقتك يا غاليه

للظالمين العزاز

عايزك تظبطيهم

و لا تسيبيش رذاذ

و حاسبى ع الغلابه

دول ناس حلوين لذاذ

و كفايه اللى جرى لهم

كوكبنا أصله شاذ

بيعلى فى الوطاطى

و يوطى فى اللى فاز

هاديكى كشف كامل

بالبول و بالبراز

لازم يتمسحوا خالص

و اقولها باعتزاز

عقمنا الأرض منهم

باركوا لمامة معاذ

و الشهدا خدنا تارهم

و اتحرر كل باز(صقر)

هيحلق فى سمانا

حقيقة مش مجاز

مصر المحروسه عادت

للأطهار الملاذ

هنشيل كل الحدود

م المغرب للحجاز

و ارجع يا طير و غرد

مانتش محتاج جواز

طول عمر الأمه واحده

و ما يحجزناش إزاز

هندوب فى بعض تانى

و مفيش سائل و غاز

الأمه كتله صلبه

و هتنجح بامتياز

و هتحرق كل عادى

من غير بنزين و جاز