لو
لو كانت مصر دى مش بلدى
كنت ابكى عليها بدم و انوح و اكتب ف همومها قصايد شوق و احكيها و اسافر فيها و اروح لكن دى حبيبتى و ضى العين و القلب سكنها دى روح الروح إزاى ما ابكيش على مصر يا ناس و انا شايف فيها أمل مدبوح بيعافر كل ما ينزف آه يقتلنى برعشتة لما يبوح أنا عاشق مصرنا مهما تكون و ف حبها حتى الموت مسموح أنا مصرى أصيل شمعه و قنديل بيدوب علشان الضلمه تروح أنا سيل هيزيح بإيديه الليل و هيكسح قدامه المكاسيح من إمتى السور بيصد النور و الشمس بتحتاج للتصاريح ؟ يا عروسه و عتريس ساعته خلاص بالدم هتتحنى المجاريح و مسير الظالم مهما يكون على نعل المنصور دمه يسيح هاغزل لك توب الفرحه جميل بترفرف طرحته ويا الريح و ابدر لك كل نجوم الكون يوم نصرك و التسابيح مصابيح #محمد_رزق |
التعليقات على الموضوع