بحب المسلمين
باحب المسلمين
واحب الخير لهم
و لو باقدر باساعد
وباحمل همهم
و انام و قلبى رايق
صافى لهم كلهم
و اقول الحق حتى
لو عكر دمهم
=========
يمكن أكون بابالغ
عشان حساس شويه
طبع الشعر المبالغه
و الشعر عندى غيه
نفسى و الله نفسى
ألقى كنز و لقيه
و اوزع ع الغلابه
و مش خاسس عليه
و اجوز كل شابه
و شبكتها هديه
و بيت لكل عايز
و شغلانه سخيه
و تحويشه لزنقه
و جنينه و عربيه
نفسى و الله نفسى
و الخير فى الأصل نيه
التعليقات على الموضوع