مطحون
طب حد يقول لى مالك ؟
كئيب يا ابنى و حزين ؟
و انا اقول له و انت مالك
هادى و راسى و رزين ؟
أنا معجون فى الكآبه
و مخبوز فى الحنين
و بحاربونى الديابه
و يخوننى المطحونين
أنا نفسى اركب سحابه
لبلد حر و أمين
فيه رحمه و فيه طيابه
و قلوب متطمنين
مشتاق ل عنيك يا بابا
و إديك الدفيانين
و ل بسمات الطفوله
و انا و انت صغيرين
راحت فين السعاده
جالنا منين الأنين ؟
الله غالب
ردحذفاسعد الله قلبك الحزين